Ish kryetari i Kërçovës akuzohet për pastrim parash !

Kallëzim penal kundër ish-kryetarit të komunës së Kërçovës për “keqpërdorim të pozitës dhe autorizimit zyrtar” dhe kundër katër personave për “pastrim parash dhe të ardhura të tjera nga vepër penale”.

Policia Kërçovë ka paraqitur kallëzim penal kundër F.D. (52) nga fshati Srbicë i Kërçovës, për shkak të ekzistimit të dyshimit të bazuar për kryerjen e veprës penale “keqpërdorim i pozitës dhe autorizimit zyrtar”, si dhe kundër F.A. (62) nga fshati Zajaz, A.N. (38) nga fshati Srbicë, H.B. (37) nga fshati Crvevcë dhe B.S. (36) nga fshati Strelcë, për kryerjen e veprës penale “pastrim parash dhe të ardhura të tjera nga vepër penale”.

I pari i kallëzuar, F.D., në cilësinë e kryetarit të komunës së Kërçovës, në periudhën nga viti 2021 deri në vitin 2025, me vetëdije dhe me dashje, ka vepruar në kundërshtim me dispozitat e Ligjit për Marrëdhënie Pune dhe, duke mos vepruar në përputhje me Ligjin për Vetëqeverisje Lokale, ka lidhur kontrata pune me personat e tjerë të kallëzuar. Më pas, duke mos ushtruar mbikëqyrjen e detyrueshme, me vetëdije u ka lejuar që të mos paraqiten në punë dhe t’u paguhen paga, kompensime të tjera dhe kontribute nga arka komunale, si dhe pas skadimit të afatit ligjor nuk ua ka ndërprerë marrëdhënien e punës.

Në këtë mënyrë, F.D., në periudhën e përmendur kohore, e ka dëmtuar buxhetin e Komunës së Kërçovës në vlerë prej 130.000 eurosh dhe ka mundësuar që personat e tjerë të kallëzuar të përfitojnë dobi materiale, nga të cilat secili veç e veç dhe në llogarinë e vet ka pranuar shuma të ndryshme parash, edhe pse e dinin se ishin përfituar nga kryerja e një vepre penale. Njoftojnë nga Мinistria e Punëve të Brendshme