Ish drejtorja falenderon Fatmir Deharin !

Florije Qerimi përfundon mandatin me sukses si drejtoreshë e SHF “Faik Konica”: “Largohem me krenari dhe ndërgjegje të pastër”
Pas tetë vitesh e gjysmë në drejtimin e Shkollës Fillore “Faik Konica”, zonja Florije Qerimi ka njoftuar përfundimin e mandatit të saj si drejtoreshë e këtij institucioni arsimor.

Në mesazhin e saj të lamtumirës, Florije Qerimi ka falënderuar të gjithë bashkëpunëtorët, institucionet, stafin arsimor, prindërit dhe nxënësit për mbështetjen gjatë kësaj periudhe, të cilën e cilësoi të mbushur me sfida, përgjegjësi, punë dhe arritje në fushën e arsimit dhe përmirësimit të kushteve infrastrukturore.

Ajo shprehu mirënjohje për ish kryetarin e Komunës së Kërçovës, Fatmir Dehari, për besimin e dhënë për udhëheqjen e shkollës, si dhe për të gjithë ata që kontribuuan në zhvillimin e institucionit.

“Largohem nga kjo detyrë me përgjegjësi, me krenari dhe ndërgjegje të pastër”, shkroi Qerimi, duke theksuar se do të vazhdojë angazhimin e saj në edukimin dhe arsimimin e brezave të rinj.
Ajo e cilësoi këtë periudhë si një nga rrugëtimet më të rëndësishme të jetës së saj profesionale.

/tvgurra