Iranin : Nuk kemi patur ndonjë kontakt me SHBA-në
Ministri i Jashtëm iranian, Abbas Araghchi ka mohuar se Irani ka patur ndonjë kontakt me SHBA-në lidhur me konfliktin. Kjo deklaratë erdhi pasi presidenti amerikan, Donald Trump u tha gazetarëve në Air Force One mbrëmë se po flasin me Iranin.
Araghchi tha se nuk ka shkëmbyer mesazhe me Uashingtonin mbi një marrëveshje të mundshme paqeje.
“Irani nuk ka kërkuar armëpushim dhe konflikti duhet të përfundojë në një mënyrë që siguron që të mos ndodhë përsëri”, tha Araghchi.
Për Ngushticën e Hormuzit, ai tha se rruga ujore ishte e mbyllur vetëm për armiqtë dhe ata që mbështesnin agresionin e tyre.
Menjëherë pas komenteve, një zëdhënës i ministrisë së jashtme të Katarit tha se ata nuk ishin në dijeni të ndonjë ndërmjetësimi zyrtar që po ndodhte midis SHBA-së dhe Iranit.
/shenja
