Irani godet kompleksin qeveritar izraelit në Tel Aviv, rritet tensioni !
Forcat e Gardës Revolucionare Islamike të Iranit (IRGC) njoftuan se, në valën e dhjetë të “Operacionit True Promise-4”, kanë goditur kompleksin qeveritar të Izraelit në Tel Aviv, si dhe objekte ushtarake dhe sigurie në Haifa dhe zona të caktuara të Jerusalemi Lindor i okupuar. Sipas njoftimit zyrtar, sulmet u kryen me raketa Hayber, ndërsa banorët dhe forcat izraelite u paralajmëruan të largohen nga bazat ushtarake, qendrat e sigurisë dhe ndërtesat zyrtare për të shmangur viktimat.
IRGC theksoi se sirenat në territoret e okupuar “nuk do të ndalen” dhe se operacionet hakmarrëse kundër bazave dhe instalacioneve strategjike izraelite do të vazhdojnë dhe intensifikohen. Media ndërkombëtare raportojnë shpërthime dhe goditje raketore në Tel Aviv dhe Haifa, ndërsa Jerusalemi Lindor i okupuar gjithashtu ka përjetuar alarme si pjesë e valës së koordinuar të sulmeve.
Këto sulme vijnë pas përshkallëzimit të tensioneve rajonale, pas goditjeve të përbashkëta SHBA-Izrael ndaj territoreve iraniane, ku u synuan zyrtarë të lartë, përfshirë Udhëheqësin Suprem Ali Khamenei. Operacionet hakmarrëse të Iranit shtrihen gjithashtu në Liban, Irak dhe territoret palestineze të okupuar, duke rritur rrezikun e një përplasjeje më të gjerë rajonale. Autoritetet izraelite kanë ndërmarrë evakuime dhe masa emergjente për të parandaluar dëmtime nga sulme të mëtejshme raketore dhe me dron.
/joq
