Interpelanca më e dështuar në historinë e vendit ajo ndaj Izet Mexhitit vetëm tre vota pro..!
Në Maqedoninë e Veriut ndodhin gjëra të papritshme e të pamenduara. E tillë ishte edhe seanca plenare në të cilën ishte thirrur interpelancë nga BDI kundër zyrtarëve shtetërorë. Në mesin e tyre ishte edhe zëvendëskryeministri, Izet Mexhiti, i cili atë natë prezantoi në formën më të mirë të mundshme në Kuvend.
Çudia më e madhe qëndron te fakti se kjo interpelancë edhe pse e ngritur nga Fronti Evropian me 18 deputetë, me një opozitë tjetër me shumë deputetë, ka përfunduar vetëm me tre vota pro. Pra, 117 deputetë duke përfshirë edhe ata të BDI-së janë të mendimit që Mexhiti duhet ta vazhdojë punën si zëvendëskryeministër i parë, shkruan Zhurnal.
Izet Mexhiti zëvendëskryeministri më i preferuar në Kuvend –
Zëvendëskryeministri i parë, Izet Mexhiti arriti t’i shpëtojë interpelancës nga ana e deputetëve, pasi vetëm tre deputetë votuan “pro”. Ndërkaq, “kundër” interpelancës votuan pjesa më e madhe e deputetëve, 64 kurse “asnjë” i përmbajtur.
“Konstatoj se Kuvendi nuk e pranoi interpelancën për punën e zëvendëskryeministrit dhe ministrit për mjedis jetësor dhe planifikim hapësinor, Izet Mexhitit”, tha kryetari i Kuvendit, Afrim Gashi.
Por, ajo çfarë është e rëndësishme të thuhet nga numrat që kanë votuar pro shkarkimit të Mexhitit, dëshmohet qartësisht që izet Mexhiti del të jetë zëvendëskryeministri më i preferuar në Kuvend. Pasi pjesa dërmuese nga 120 deputetë gjithsej 117 prej tyre nuk kanë votuar për shkarkimin e Mexhitit. Në këtë numër prej 117 deputetësh hynë edhe deputetët të cilët e kanë thirrur interpelancën, deputetët e BDI-së, që mund të jenë kundërshtarët më të fuqishëm politik të tij.
E nuk mungoi as ironia e Mexhiti kundrejt kësaj situata të re të krijuar në Kuvend, ku as ata që thirrin interpelancën nuk e votojnë e nuk i besojnë.
“Interpelanca – gënjeshtra të cilën as vetë nuk e besuan – 117:3!”, ka shkruar zëvendëskryeministri Izet Mexhiti.
Çfarë tha Mexhiti në natën kur dështoi si asnjëherë më parë shkarkimi i tij?
Zëvëndëskryeministri, Izet Mexhiti, në replikë ndaj deputetes së Frontit Evropian, Rina Ajdarit, deklaroi që BDI është transformuar keq dhe rëndë. Sipas Mexhitit një parti e dal nga lufta përfundoi në parti që luanin rolin e shërbëtorëve ndaj Nikolla Gruevskit e Sasho Mijallkov. Ai shtoi tutje që kjo parti nuk kanë kredibilitet të akuzojnë askënd aq më pak Stolillkoviçin, pasi sipas Mexhitit po këta nga BDI janë që me zell pritën Vuçiqin në Shkup, e po këta që janë në listë të zezë me Dodikun.
“Të akuzosh Stoillkoviçin e në të njëjtën kohë të jesh në lista të zeza bashkë me Dodikun e Vulinin. Konstatim i SHBA-ve ishte që keni ndërhyrë në gjyqësi për t’ia ulur dënimin e atij që shëtitet me ferrari, Sasho Mijallkovit. Pra, BDI nga parti e luftës u transformuan në shërbëtorë të Gruevskit e Mijallkovit”, replikoi zëvendëskryeministri, Izet Mexhiti nga foltorja e Kuvendit.
Kujtojmë që, interpelanca kundër zëvendëskryeministrit, Izet Mexhitit radhitet si interpelanca më e dështuar në historinë e pluralizmit në vendin tonë. Nuk i besuan as ata që e iniciuan. Prandaj, nuk mbetet tjetër të thuhet pos që Mexhiti të vazhdojë me ngulm në përmbushjen e obligimeve të tij, si zëvendëskryeministër.
Megjithatë, Mexhiti është ndër politikanët e parë që menjëherë pas zgjedhjeve ka shëtitur në Çarshinë e Shkupit për t’i vizituar dhe falënderuar qytetarët. Në fakt, ky ka qenë mesazh që qytetarët nuk i takon vetëm gjatë fushatës e pas zgjedhjeve të zhduket në privilegjet e pushtetit. Përkundrazi, ka treguar afërsi dhe qasje të hapur me të gjithë qytetarët e vendit, në veçanti me shqiptarët.
/Zhurnal.mk
