Inçizime nga policia në qendër të Kërçovës ! (VIDEO)

Ish drejtori i NP Rrugë shtetërore, Ejup Rustemi dhe katër persona tjerë janë arrestuar për shkak se ekzistojnë dyshime për keqpërdorimi gjatë furnizimeve publike në këtë ndërmarrje.

Përveç Rustemit, janë arrestuar edhe Drilon Zymberi, udhëheqës në sektorin për pagesa të pikave pagesore dhe kontroll, Ejup Latifi ndihmës drejtor për mirëmbajtjen e rrugëve dhe Xhemal Billbillovski, pronar i kompanisë së sigurimit “2SS”. MPB për të gjithë pesë personat ka parashtruar kallëzim penal.

Njëkohësisht ata ngarkohen për keqpërdorim, për shkak se në vitin 2022 kanë qenë pjesë e nënshkrimit të marrëveshjes me kompaninë nga Kërçova për sigurim fizik të të gjithë 14 pikave pagesore të ndërmarrjeve.

Megjithatë kompania ka kryer sigurim vetëm në një turn, ndërsa ka marrë para për shërbim 24/7. Me këtë e kanë dëmtuar buxhetin në vlerë prej 46.9 milionë denarë. Prokuroria kërkon paraburgim për pronarin e kompanisë, ndërsa për të tjerët masë të kujdesit.

VIDEO:

/tv21