Incident me thikë në shkollën e mesme “Drita” në Kërçovë

Një incident është shënuar sot në shkollën e mesme “Drita” në Kërçovë, ku një nxënës i vitit të tretë ka sulmuar me thikë një nxënës të vitit të parë.

Ngjarja ka ndodhur gjatë ndërrimit të parë, ndërsa, për fat të mirë, nxënësi i lënduar ndodhet jashtë rrezikut për jetën falë ndërhyrjes së shpejtë të mjekëve kirurgë në spitalin e Kërçovës.

Sipas informacioneve fillestare, konflikti dyshohet të ketë lidhje me një zënkë të mëparshme mes prindërve të nxënësve.

Policia është njoftuar menjëherë dhe ka ndërmarrë masat e nevojshme për zbardhjen e plotë të rastit.

/tvgurra