Iku nga l’ufta në Ukrainë, gazetarja ukrainase vdiq në Kosovë..(FOTO)
Asociacioni i Gazetarëve të Kosovës ka njoftuar se ka ndërruar jetë gazetarja ukrainase Olga Priadko, e cila ishte strehuar në Kosovë në kuadër të programit “Gazetarët në Rezidencë – Kosova”.
AGK-ja ka bërë të ditur se Priadko ishte 51-vjeçare dhe tash e dy vjet ishte duke jetuar në Prishtinë së bashku me djalin e saj, Yaroslavin.
“Me dhimbje të thellë, Asociacioni i Gazetarëve të Kosovës njofton vdekjen e gazetares ukrainase, Olga Priadko, në moshën 51-vjeçare. Ajo ishte pjesë e programit ‘Gazetarët në Rezidencë – Kosova’. Zonja Priadko ka vdekur në banesën e saj në Prishtinë, ku jetonte për më shumë se dy vjet me djalin e saj, Yaroslavin”, thuhet në njoftim.
AGK-ja dhe Qendra Evropiane për Lirinë e Shtypit dhe Medias (ECPMF) kanë shprehur ngushëllimet e tyre më të thella për familjen dhe miqtë e gazetares Priadko.
“Përkushtimi i saj në gazetari do të kujtohen dhe nderohen nga të gjithë ata që punuan me të”, thuhet në njoftimin e AGK-së.
FOTO:
/tv21
