IKEA në Zvicër me meny speciale për Ramazan

IKEA në Zvicër ka prezantuar në faqen e saj zyrtare ofertën speciale të Ramazanit, e cila do të jetë në dispozicion çdo javë nga ora 17:30, ekskluzivisht në restorantin e IKEA Spreitenbach.
Sipas njoftimit, menuja e Ramazanit ndryshon çdo javë dhe përfshin një kombinim të balancuar të pjatave tradicionale dhe moderne. Aktualisht, vizitorëve u ofrohet:

Sallatë e vogël
Supë me thjerrëza e shoqëruar me bukë të sheshtë dhe hurma
Fileto salmoni me patate furre, fasule dhe ajvar
Pije të ftohta dhe të ngrohta pa kufizim (vetëshërbim)
Çmimi special për anëtarët e programit IKEA Family është CHF 15.95, ndërsa çmimi standard për vizitorët e tjerë është CHF 23.55.

Për më tepër, çdo të premte ofrohet një përfitim shtesë: 50% zbritje në menunë e Ramazanit, si dhe një kupon me vlerë CHF 10.– për blerje mbi CHF 20.– në sektorin e mobilimit të dyqanit IKEA, i vlefshëm vetëm gjatë së njëjtës ditë.

Oferta është e vlefshme në IKEA Spreitenbach dhe kërkon paraqitjen e kartës ose numrit IKEA Family.
Me këtë iniciativë, IKEA synon të krijojë një ambient mikpritës dhe të përballueshëm për familjet dhe komunitetin gjatë muajit të Ramazanit.

/ikea.ch