Iftari i Ramës “ribashkon” Dajën me Nipin

Ministri aktual për Politikë Sociale, Fatmir Limani, njëherësh edhe nip i Ali Ahmeti duket se është ribashkuar me dajën e tij, përcjell tetova1.
Ata janë parë së bashku në një ndejë pas iftarit të organizuar nga kryeministri i Shqipërisë, Edi Rama, në Tiranë.

Limani për shumë vite ishte pjesë e Bashkimi Demokratik për Integrim (BDI), ndërsa lidhja e tij familjare me Ahmetin është e njohur, pasi ai është nip i liderit të kësaj partie.
Ai u largua nga BDI-ja me akuza të rënda ndaj familjes së Ahmetit dhe më pas iu bashkua Lëvizja Besa.

Megjithatë, pas vendimit të Besës për shkarkimin e strukturave me qëllim bashkimin e koalicionit VLEN, Limani u vetëpërjashtua dhe filloi të kritikojë si Besën ashtu edhe VLEN-in. Ndërkohë, zyrtarë të këtij koalicioni kanë paralajmëruar shkarkimin e tij nga posti i ministrit në rikonstruimin e ardhshëm të Qeverisë.

/ina