Iftar i përbashkët nga Myftinia e Kërçovë prezent dhe kryetari Jovanoski

Sot, në një ambient miqësor e vllazëror u organizua Iftari i përbashkët me imamët, Këshillat e Xhamive, Kryetarët e Komunave; ai i Kërçovës dhe Pllasnicës, deputeti i zonës, Kryesuesi i këshillit Komunal bashkë me Këshilltarë Komunal, drejtorë insitucionesh, profesorë, doktorë , dashamirë e donatorë të Myftinisë së Kërçovës.

Myftiu i Kërçovës Qamil ef. Rushiti pasi uroi mirëseardhje për të pranishmit, potencoi se momenti i Iftarit paraqet akt unifikimi e bashkimi, respekti e bashkëpunimi, ndër tjera ai tha:
“Ju keni patur mundësi të keni edhe iftare më të mira, në mesin tuaj familjar e shoqëror, ndërsa për neve si Myftini paraqet kënaqësi dhe respekt që jeni përgjigjur ftesës sonë për të qenë bashkë me ne sonte. Allahu i Madhërishëm iu shpërbleftë e nderoftë”!

Pas Myftiut, fjalë përshëndetëse kishte edhe Kryetari i Komunës së Kërçovës dr. Aleksandar Jovanoski i cili përshëndeti të pranishmit dhe uroi të gjithë besimtarët agjërim të lehtë dhe pranuar.

Allahu i Madhërishëm i shpërbleftë të gjithë!
Me respekt; Shkruajn nga Myftinia e Kërçovë në Facebook.

/ms