Iftar i përbashkët në ambientet e Shoqatës Humanitare Kërçova në Vjenë

Në ambientet e Shoqatës Humanitare Kërçova në Vjenë u shtrua një iftar i përbashkët, ku bashkatdhetarë dhe miq u mblodhën për të ndarë një mbrëmje të ngrohtë vëllazërie, solidariteti dhe respekti gjatë muajit të shenjtë të Ramadan.

Një falënderim i veçantë i shkon grupit organizues të Shoqatës Humanitare Kërçova dhe Forumit të Gruas, të cilët me përkushtim dhe angazhim bënë të mundur organizimin e këtij iftari dhe krijimin e një atmosfere të bukur për të gjithë të pranishmit, duke forcuar edhe më shumë bashkimin e kërçovarëve që jetojnë në Vjenë.

Vlen të theksohet se ky komunitet kërçovarësh në Vjenë është shumë i organizuar dhe kompakt, duke ruajtur lidhjet mes njëri-tjetrit dhe traditat e vendlindjes. Mirënjohje për të gjithë ata që kontribuan dhe morën pjesë në këtë mbrëmje të veçantë.

/tvgurra