Humb jetën në aksident në Gjermani 42-vjeçarja Shqiptare! Ngushllime familjes (FOTO)

Një aksident në trafik, i cili ka ndodhur pasditen e djeshme në afërsi të Obersöchering, Gjermani, i mori jetën një gruaje nga Kosova.

Viktima është 42-vjeçarja Shkurta Zuka Rahmani nga Pozherani i komunës së Vitisë. Në veturë me të ishte edhe djali, i cili ka mbetur i plagosur dhe po merr trajtim mjekësor në spitalet lokale.

Sipas mediave gjermane, dy makina janë përplasur kokë më kokë në rrugën mes Murnau dhe Habach.
Një 17-vjeçar, shofer fillestar, ka mbetur i plagosur rëndë, ndërsa nëna e tij ndërroi jetë në vendngjarje.

Po ashtu, edhe gruaja në makinën tjetër ka pësuar lëndime të rënda.
Të plagosurit u transportuan me helikopter në Spitalin Universitar në Murnau.

Autoritetet kanë nisur hetimet për të zbardhur shkaqet e përplasjes. Rruga u mbyll plotësisht për më shumë se katër orë, raporton radio-oberland.de.
E ndjera Shkurta Zuka Rahmani është vajza e gazetarit nga Pozherani, Azizi Zuka.

FOTO:

/ms