Gropa të mëdha po hapen në të gjithë Turqinë, shkencëtarët: Ky është një problem i madh!

Gropa gjigante, disa dhjetëra metra të thella, po shfaqen në Turqi, veçanërisht në Rrafshin e Konias. Disa i lidhin ato me profeci biblike, por shkencëtarët theksojnë se shkaku kryesor janë thatësira, ndryshimet klimatike dhe pompimi i tepërt i ujërave nëntokësore. Deri tani janë raportuar qindra gropa, disa mbi 30 metra të gjera, ndërsa numri i tyre është rritur ndjeshëm pas vitit 2000.

Rënia e ujërave nëntokësore po dëmton bujqësinë, ekosistemet dhe po shkakton fundosjen e tokës, sidomos nga përdorimi intensiv i ujit për kultura si misri dhe panxhari i sheqerit. NASA raporton se rezervuarët e ujit në Turqi arritën nivelet më të ulëta në 15 vjet në vitin 2021.

Shkencëtarët paralajmërojnë se rreziqe të ngjashme po shfaqen edhe në SHBA dhe rajone të tjera të botës. Zona të Teksasit, Arizonës, Floridës dhe Meksikës së Re tashmë kanë përjetuar gropa të mëdha dhe fundosje toke për shkak të thatësirës dhe shfrytëzimit të pakontrolluar të ujërave nëntokësore, duke rritur rrezikun për komunitetet dhe infrastrukturën.

/ts