Greqia dhe Turqia: Tensione të reja në Egje ?

Greqia dhe Turqia pritet të rifillojnë dialogun në nivelin më të lartë përmes mbledhjes së “Këshillit Suprem të Bashkëpunimit Greqi–Turqi”, që zhvillohet më 9 shkurt 2026 në Ankara. Në takim pritet të marrin pjesë presidenti turk Rexhep Taip Erdogan dhe kryeministri grek Kyriakos Mitsotakis, me mundësi edhe për një takim dypalësh.

Këshilli, i krijuar në vitin 2010 pas tensioneve në Mesdheun Lindor, synon të nxisë bashkëpunimin ekonomik dhe turistik mes dy vendeve, por deri tani është mbledhur rrallë dhe pa rezultate të mëdha konkrete.

Tensionet në Detin Egje vazhdojnë, veçanërisht pas përdorimit nga Turqia të sistemit Navtex për paralajmërime ushtarake, të cilat Athina i konsideron provokim dhe përpjekje për zgjerim territorial. Nga ana turke, këto veprime cilësohen si rutinë ligjore.

Mosmarrëveshjet lidhen prej dekadash me shelfin kontinental, burimet natyrore dhe zgjerimin e ujërave territoriale. Edhe pse Konventa e OKB-së për të Drejtën e Detit lejon zgjerimin deri në 12 milje detare, çdo ndryshim në Egje kërkon marrëveshje dypalëshe, e cila mungon.

Pavarësisht diskutimeve të vazhdueshme për dërgimin e çështjes në Gjykatën Ndërkombëtare të Drejtësisë në Hagë, deri më sot nuk është arritur asnjë marrëveshje mes palëve.

/koha