Gjermania pohon:Ne duhet të bëhemi përsëri fuqia ushtarake kryesore e Evropës..
Gjermania pohon zyrtarisht: “Ne duhet të bëhemi përsëri fuqia ushtarake kryesore e Evropës” Për herë të parë pas Luftës së Dytë Botërore, politikanët gjermanë publikisht dhe fare hapur thonë se Gjermania duhet të bëhet sërish fuqia kryesore ushtarake evropiane.
Teza kryesore e ministres gjermane të Mbrojtjes Christine Lambrecht, është se pas pushtimit të Ukrainës, Gjermania, për shkak të madhësisë, pozicionit dhe fuqisë së saj ekonomike, duhet të marrë rolin e një superfuqie ushtarake, sepse nuk ka asnjë tjetër brenda BE-së, që të ketë potencialin e saj.
Vendimi i Gjermanisë për të rizhvilluar forcën më të madhe ushtarake në Evropë, do të ketë implikime afatgjata sigurie dhe ekonomike, jo vetëm për Evropën, por edhe për marrëdhëniet gjeopolitike globale.
Duke komentuar ofensivën e re ukrainase, Lambrecht tha se Berlini mori një vendim për të marrë një rol më të rëndësishëm në aleancën perëndimore, që “…ka të bëjë me madhësinë tonë, vendndodhjen gjeografike, fuqinë tonë ekonomike, shkurt me peshën tonë.
Kjo na bën një forcë udhëheqëse, duam apo s’duam – dhe në kuptimin ushtarak gjithashtu”. Natyrisht, Lambrecht theksoi se Gjermania do të zhvillojë përsëri fuqinë e saj ushtarake për t’u bërë mbrojtësi kryesor i Evropës dhe pohoi se nuk do të ketë zëvendësim për Shtetet e Bashkuara si një mbrojtës bërthamor për disa kohë.
Por ajo paralajmëroi gjithashtu se zhvillimi i tensioneve midis Uashingtonit dhe Tajvanit po i shtyn BE-në dhe Gjermaninë që të punojnë më shumë për sigurinë e tyre: “Gjermania është e gatshme të japë një kontribut vendimtar për ndarjen e barabartë të barrës,” tha Lambrecht, që do të thotë se për një kohë të gjatë termi ata synojnë të rrisin shpenzimet e mbrojtjes me 2 për qind të PBB-së, që është në përputhje me standardet e NATO-s.
Lambrecht hodhi poshtë akuzat e mediave sipas të cilave Gjermania nuk e ndihmoi mjaftueshëm Ukrainën me armatim. Kur bëhet fjalë për kërkesën e Kievit për dorëzimin e tankeve gjermane, Lambrecht komentoi se deri më tani asnjë vend nuk ka “furnizuar automjete luftarake të këmbësorisë perëndimore ose tanke kryesore beteje” në Ukrainë.
Përveç kësaj, ajo shtoi se do të kujdeset me partnerët në projektet e ardhshme evropiane të mbrojtjes në lidhje me kontrollin e rreptë të eksporteve të armëve.
Dalja publike e ministrit gjerman të mbrojtjes erdhi dy javë pasi kabineti i kancelarit Olaf Scholz njoftoi zyrtarisht fillimin e punës për një strategji të re të sigurisë kombëtare, e para ambicioze në historinë e Gjermanisë pas Luftës së Dytë Botërore.
/ts
