Gjermania është ngritur në vend të parë me pasaportën më të fuqishme në Evropë (FOTO)

Këtë vit, Gjermania është ngritur në vend të parë me pasaportën më të fuqishme në Evropë dhe e dyta me pasaportën më të fuqishme në gjithë botën, shkruan albinfo.ch.
Sipas Indeksit të pasaportave Henley, vendin e parë në mbarë botën i takon sërish Singaporit, ku u lejohet të udhëtojnë pa viza në 192 shtete.

Renditja globale e pasaportave për vitin 2023 u krye në bazë të dhënave të ofruara nga Autoriteti Ndërkombëtar i Transportit Ajror, ose IATA, i cili rendit pasaportat botërore bazuar në numrin e destinacioneve që zotëruesit e tyre mund të kenë qasje pa vizë paraprake.

Gjermania konsiderohet një ndër shtetet më të dashura dhe me kulturë të lartë. Marrëdhëniet e mira ndërkombëtare dhe ekonomia e saj bashkëpunuse me shumë shtete të botës, politika ndërkombëtare dhe investimet e saj janë një nga arsyet që shumë shtete të botës e konsiderojnë si mike.

FOTO:

/Albinfo.ch