Gjendja në Lindjen e Mesme, mbi 150 shtetas të Maqedonisë kanë kërkuar ndihmë ?

Numri i shtetasve të Maqedonisë që kanë raportuar se ndodhen në zona të rrezikuara të Lindjes së Mesme po rritet. Nga Ministria e Punëve të Jashtme dhe Tregtisë së Jashtme bëjnë të ditur se deri tani më shumë se 150 shtetas të Maqedonisë kanë kontaktuar ambasadat në Tel Aviv, Doha dhe Abu Dabi për mundësitë e evakuimit.

Me të gjithë ata mbahet kontakt i vazhdueshëm, dhe nëse kërkojnë evakuim, do të ndërmerren aktivitetet përgatitore për asistencë në kthimin e tyre të sigurt, njofton Ministria.
“Ministria e Punëve të Jashtme dhe Tregtisë së Jashtme, përmes numrit të gatshëm dhe përmes përfaqësive diplomatike dhe konsullore, vazhdon të jetë e disponueshme për qytetarët. Ju bëjmë thirrje të gjithë shtetasve tanë që ndodhen në vendet e rajonit të respektojnë me përpikëri udhëzimet dhe drejtimet e autoriteteve lokale të sigurisë”, thonë nga Ministria.

Për shkak të situatës në Lindjen e Mesme, në Ministrinë e Punëve të Jashtme dhe Tregtisë së Jashtme nga dje funksionon një shtab krizash, i cili është në dispozicion 24 orë për qytetarët për të gjitha informacionet.

Për informacione dhe ndihmë shtesë, janë në dispozicion:
SOS numri i gatshëm (MPJ dhe Tregti e Jashtme):
075/273-732
Ambasada e Republikës së Maqedonisë së Veriut në Doha
Tel: +974 50 173 111
Ambasada e Republikës së Maqedonisë së Veriut në Abu Dabi
Tel: +971 56 441 7532
Ambasada e Republikës së Maqedonisë së Veriut në Tel Aviv
Tel: +972 54 500 8566
Tel: +972 54 967 0546

/tv21