Gjendja e ndërtesave të reja është me e keqe se atyre të vjetra sa i përket standardeve të ndërtimit..!?

Ekspertët e ndërtimtarisë dhe ata të mbrojtjes nga zjarret, alarmojnë se rreth 80 për qind e ndërtesave në vend, nuk janë të ndërtuara në përputhshmëri me standardet. Dekani i fakultetit të ndërtimtarisë, Goran Markovski, thotë se pavarësisht zhvillimit të teknologjisë dhe dijes, nga dëshira e madhe për sa më shumë fitim, ndërtesat e reja janë në gjendje më të keqe se të tjerat. Ai thotë se nëpër institucione të sistemit kalojnë shumë projekte të çuditshme që rrezikojnë qytetarët.

“Gjendja është pikërisht pasqyrë e realitetit tonë. Ato janë manipulimet, punët spekulative dhe improvizimet, kur tentojmë, për fat të keq të depërtojnë dhe të kalojnë nëpërmjet institucioneve të sistemit projekte të tilla të çuditshme, ku me një projekt të njëjtë, tërësisht të rrejshëm të kalojë për objekte të ndryshme.

Kjo nuk duhet të ndodh, së pari projektuesit duhet të vetëdijesohen se me nënshkrimin dhe vulën e tyre fillimisht e rrezikojnë vetën dhe më pas personat që do ta shfrytëzojnë objektin. Ai është prostitucion inxhinierik do ta quaja unë, apo hyrje në zinxhirin e korrupsionit ku për shtesa të vogla rrezikun e bëjnë të madh. ”

Ndërkaq pronari i një kompanie që merret me furnizim dhe montim të pajisjeve kundër zjarrit thotë se në terren sheh parregullsi të shumta ku mes tjerash nënvizon se ka shumë raste ku sheh një dokument projektues të një objekti, që shfrytëzohet për 4 objekte të tjera.

“Ja do ta marr shembull, ndërtesat e ( global) ku ne i montojmë të gjithë sigurinë, i njëjti projekt më vjen për 4 ndërtesa të tjera, me të njëjtin projekt dhe ai ka kaluar në komunë, si ka kaluar nuk e di. Ne ofrojmë shërbime të mirëmbajtjes dhe kam parë shumë gjëra, madje qesharake, dhe kur të ju themi banorëve të ndërtesës se sistemi nuk punon.

Na thonë por prisni në sapo jemi vendosur, duhet të jetë gjithçka në rregull, ne kemi dokument. Keni dokument, por nuk punon, e ndezim sistemin nuk punon, është i vdekur, tekstualisht nuk punon asgjë, vetëm kanë vendosur bateri, bën dritë jeshile sikur gjoja po punon sistemi, nuk punon asgjë.”, tha Goran Angellovski, Pronar biznesi.

Pas tragjedisë në Koçan, ku si pasojë e zjarrit që përfshiu një diskotekë, humbën jetën 59 persona ndërsa u lënduan qindra të tjerë, institucionet kanë filluar kontrollet e përforcuara në të gjitha objektet, ndërsa kanë hasur shumë parregullsi.

/alsat