Gjendja Alarmante! Kërçova edhe sot ndër qytetet më të ndotura në rajon

Kërçova vazhdon të renditet ndër qytetet me nivelin më të lartë të ndotjes së ajrit në rajon. Sipas njoftimit të Ministrisë së Mjedisit Jetësor, në qytet është tejkaluar pragu i alarmimit për grimcat PM10, me vlera mbi 200 µg/m³ për dy ditë radhazi.

Të dhënat bazohen në sistemin shtetëror të monitorimit dhe në parashikimet meteorologjike, të cilat tregojnë kushte të pafavorshme për shpërndarjen e ndotësve.

Autoritetet u bëjnë thirrje qytetarëve, veçanërisht grupeve të ndjeshme, të shmangin aktivitetet në ambiente të hapura dhe të ndjekin rekomandimet shëndetësore.

/tvgurra