Gëzim i madh në familjen e Kreshnik Bekteshit

Kreshniku sot kthehet pranë familjes – kokëlartë, stoik dhe i pathyeshëm, ashtu siç e njeh kushdo që ka parë nga afër karakterin dhe kauzat për të cilat ai ka luftuar.
I ndarë padrejtësisht nga liria, ai kurrë nuk u nda nga e vërteta. Çdo ditë që kaloi dëshmoi se akuzat nuk ishin gjë tjetër veçse mjegull për të goditur një figurë publike të ndershme, që për vite me radhë ka qenë zë i fuqishëm i të vërtetës dhe drejtësisë.

Edhe pse Kreshniku sot lirohet nga burgu, kjo nuk përbën as amnisti dhe as një dëshmi se sistemi i drejtësisë ka funksionuar siç duhet. Përkundrazi, kjo liri e vonuar është një kujtesë e qartë se ai ishte dhe mbetet viktimë e një padrejtësie të thellë. Lirimi i tij nuk fshin faktin se ai u mbajt në burg pa të drejtë, në një proces që më shumë se drejtësi, tregoi se si një sistem mund të abuzojë me pushtetin për të goditur zërat e ndershëm.

Kjo ngjarje nuk është fundi i një beteje, por një thirrje për të mos harruar se drejtësia e vërtetë nuk është vetëm lirimi i një njeriu të pafajshëm, por edhe ndëshkimi i atyre që e mbajtën atë padrejtësisht pas hekurave.

Kreshniku nuk u thye. Nuk e përkulën as burgosja e padrejtë, as makineria e shpifjeve politike. Sot ai kthehet më i fortë, më i qartë dhe më i vendosur se kurrë. Sepse kur qëndron në anën e drejtë të historisë, asgjë nuk të ndal.

Falënderojmë me mirënjohje të gjithë ata që nuk u tërhoqën – miqtë, dashamirët, qytetarët e ndershëm – që qëndruan pranë familjes së tij, që nuk lejuan që figura e tij të zhbehej, por e mbajtën lart, ashtu siç e meriton.
E sotmja është vetëm fillimi i rikthimit të plotë të drejtësisë.
Shkruajn nga faqja meKreshnikBekteshin në facebook.

/ms