Gazetari Furkan Saliu: Më meritori për fitoren e Aleksandar Jovanovskit në Kërçovë është Fatmir Dehari!

Ai dhe rrethi i tij, e kthyen Kërçovën në një pashallëk ku sulltani vendoste për gjithçka.
Kërçovarëve u erdhi në majë të hundës dhe këtë mllef e shprehën në kutitë e votimit, ashtu siç i ka hije një populli që e do lirinë dhe që gjithmonë ka luftuar kundër sistemeve represive.
VMRO-DPMNE nuk guxon ta paraqesë këtë fitore si fitore etnike, sepse nuk është e tillë.

Jovanovski mori 11.682 vota në rrethin e parë, ndërsa 14.205 vota në rrethin e dytë.
Këto 2.500 vota shtesë janë vota mllefi — vota të qytetarëve të ndershëm, që nuk i kanë borxh askujt dhe nuk e durojnë shtypjen.

Kërçova do të jetë më mirë pa Fatmir Deharin dhe rrethin e tij.
Çfarë do t’i japë Kërçovës Aleksandar Jovanovski, mbetet për t’u parë.

/ms