Fshati Garanë me monument të Skënderbeut, i lartë 6 metra, me vlerë mbi 100 mijë euro!
Ky është monumenti i Gjergj Kastriotit – Skënderbeut që u vendos në fshatin Garanë të Kërçovës.
Monumenti është i lartë 6 metra dhe renditet si busti i dytë më i lartë i Skënderbeut në nivel shteti, pas atij në Shkup.
U vendos me iniciativë të Bali Koçit dhe bashkëfshatarëve të tjerë, duke e bërë Garanën fshatin e vetëm në vend që ka monument të këtyre përmasave.
“Pjesa pa gurin d.m.th. Skënderbeu me gjithë kalin është diku 3 metra ndërsa me gjithë gurin është diku me lartësi 6 metra”, tha Valbon Aliu.
Realizimi i këtij busti ka kërkuar mjete të konsiderueshme financiare dhe përkushtim të madh, ndërsa kushtoi mbi 100 mijë euro.
“Vlera totale është diku mbi 100 mijë euro, shtatorja bashkë me gurin, guri është i pastër gur Skrapari dhe me gjithë vlerën e monumentit është diku mbi 100 mijë euro”, shtoi Vlabon Aliu.
Aliu na tregoi se si u siguruan mjetet financiare për realizimin e projektit që u përurua në 113 vjetorin e Pavarësisë.
“Këto mjete janë mbledhur nga të gjithë bashkëfshatarët fillimisht këtu të fshatit, afaristët, janë mbledhur edhe jashtë nga mërgimtarët Shoqata “Garana” në Zvicër, Shoqata “Garana” në SHBA na kanë ndihmuar dhe ka pasur nga të gjithë vendet evropiane, mërgimtarë që na kanë mbështetur në këtë iniciativë dhe na kanë ndihmuar”, potencoi Valbon Aliu.
Kujtojmë se më 28 nëntor 1941, në Kalanë e Kërçovës ishte vendosur busti i parë i Skënderbeut, i cili ishte edhe kopja e dytë origjinale e Odhise Paskalit. Nga ky autor ekzistojnë edhe dy buste të tjera që sot kanë vlera shumë të larta, ndërsa busti i Skënderbeut që ishte vendosur në Kërçovë ka humbur dhe nuk gjendet askund.
VIDEO:
/tv21
