Fronti Europian i del në mbrojtje Fatmir Deharit ?

Të nderuar mbështetës të Frontit,
Lidhur me këtë qështje askush nuk ka folur deri më tani. Kemi pritur disa ditë, kemi dhënë kohë, mundësi dhe hapsirë, por askush nuk doli në krah të Fatmir Deharit, askush nuk e morri hapin dhe guximin. Sepse dihet, njerëzit janë të lidhur pas interesit, dhe tani skan interesa nga Fatmir Dehari sepse ai ska më pushtet. Por është një Front i cili nuk nvaret nga asnjë interes, sepse si të tillë edhe jemi krijuar. Vazhdojmë të udhëhiqemi nga parimi i së drejtës dhe vetëm nga zëri qytetar.

Si gjithmonë, njejtë edhe kësaj rradhe, Fronti vendosi të mos qëndroi indiferent dhe duarkryq përballë kësaj situate, duke vlerësuar se ka disa elemente të cilat ia vlen te elaborohen në formë përgjigjeje ndaj kësaj aktakuze të ngritur ndaj ish-kryetarit të komunës z. Fatmir Dehari.

Fatmir Dehari në vitin 2013 e gjeti komunën e Kërçovës me 7 milionë euro borxh. Dhe çfarë ndodhi? Asnjë qytetar, asnjë funksioner politik e partiak i asaj kohe nuk pyeti dhe nuk e ngriti si qështje.

Fatmir Dehari i sapo ulur në karriken e Komunës së Kërçovës, as edhe ai nuk ngriti aktakuza publike për asnjë, nuk kërkoi fajtorë, nuk u mor me të kaluarën, nuk ia drejtoj gishtin askujtë, nuk pyeti pse, ku dhe si, ku shkoi borxhi dhe për çka u përdor?
Por, Fatmir Dehari e mori përgjegjësinë dhe barrën mbi supe dhe u përball me realitetin. Borxhin e menaxhoi me kujdes dhe e shlyeu, ndërsa Kërçovën e transformoi rrënjësisht duke e nxjerrur nga errësira në dritë, si në infrastrukturë, si në pamje urbane, ashtu edhe në funksionimin institucional.

Aktakuza e ngritur i takon periudhës nga mandati i tij i fundit 2021-2025.
Dhe sa për kujtesën dhe informimin e opinionit publik, kjo është periudha më e lavdishme e Komunës së Kërçovës nën udhëheqjen e Deharit, e cila u rendit e para në shtet për nga transparenca dhe llogaridhënia me 100%. Ky nuk është vlerësim i Frontit, por është indikator zyrtar i pamohueshëm dhe i pashmangshëm.

Sot, Fatmir Dehari akuzohet për “keqpërdorim detyre” i cili ka dëmtuar buxhetin në vlerë prej 130 mijë euro, sepse disa të punësuar nuk kanë shkuar në punë dhe ai nuk ua ka ndërprerë kontratat.

Të dashur lexues të Frontit. Ju e dini se ne gjithmonë duam të jemi të sinqertë, fillimisht me veten, pastaj me ju dhe në fund me opinionin publik.

Lind pyetja, a ka pasur në këtë shtet ndonjë kryetar komune, drejtor institucioni apo menaxher që nuk është ballafaquar me neglizhencë të punonjësve?
Dhe a ka njeri mes nesh që, në rrethana të caktuara, do t’ua ndërpriste menjëherë kontratat njerëzve të afërt? Si shokë, miq, etj. Jo, kurrë. Sepse akoma si shoqëri e tërë nuk kemi arritur deri tek këto rregulla e standarde.

Dhe tani, të mos bëjmë moralistin në internet dhe rrjete sociale, kur në realitet do të vepronim të gjithë njësoj, çdokush dhe secili prej nesh njejtë si Fatmir Dehari.

Sepse, Imagjinoni, flasim për një njeri që ka udhëhequr 12 vite një komunë, që ka kaluar përmes projekteve milionëshe, vendimeve të vështira dhe presioneve të vazhdueshme.
Dhe sot, pas gjithë asaj periudhe të gjatë 12 vjeçare, akuza e vetme është 130 mijë euro, dhe jo për përfitim personal, por për veprim (ose mosveprim) administrativ të lidhur me të tjerët.

130 mijë euro, sot është një shumë parash që e posedon pothuajse çdo biznesmen mesatar në një qytet me një ekonomi të vobekët siç është Kërçova.

Dhe nëse kjo është “njolla e zezë” e vetme e Fatmir Deharit për 12 vite, krahasuar me dyshimet, aferat dhe keqpërdorimet e mëdha të politikanëve të tjerë, dje, sot dhe në të kaluarën e errët për Shqiptarët, atëherë realisht dhe përfundimisht Fatmir Dehari nuk meriton kallëzim penal, por respekt institucional.

Dhe për fund, kuptojeni mirë, Fronti nuk synon të mbroj askënd. Besoni se askënd. Do të mbrohet çdokush që ka elemente për tu mbrojtur, njejtë si çdo goditet pamëshirshëm çdokush që ka keqpërdorur qëllimisht.

Fronti vazhdon të mbetet në anën e së drejtës, sinqeritetit, transparencës dhe të vërtetës, gjithmonë duke i thënë gjërat troç, hapur, lirshëm, zëshëm dhe pa frikë… pa dallim, me çdo kusht, pa mëshirë, pa përjashtim, me çdo çmim dhe pa kompromis.
FRONTI

/ms