Franca nuk pranon veshjet islamike në shkolla, nxënëset me “abaja” dëbohen në shtëpi..!
Rreth 300 studentë u paraqitën në shkollat franceze në ditën e parë të vitit shkollor, të veshura me “abaja”, siç njihet veshja islamike që mbulon femrat. 67 prej tyre refuzuan ta hiqnin atë dhe u dërguan në shtëpi.
“Është një veshje tradicionale që e veshin të gjitha vajzat, me apo pa vello. Është një problem i vogël, por duhet të përshtatemi”, tha një prej nxënësve e cila nuk u lejua të frekuentonte mësimin.
Ndërkohë një tjetër vajzë tha se veshja nuk është fetare dhe ndaj ato duhet të lejohen të vijojnë mësimin.
“Është në modë në Lindjen e Mesme. Një “abaja” është një veshje dhe kur e mban të duket vetja si princeshë, si një grua nga Lindja e Mesme. Ndaj nuk është një veshje fetare”, tha nxënësja.
Zyrtarët ndërkohë mbrojnë vendimin e qeverisë.
Jerome Bourne Branchu, drejtor i Shërbimit Arsimor Kombëtar, në Lion deklaroi:
“Sa na takon neve si autoritete, puna jonë nisi në qershor me informimin e familjeve për modelin laik të shkollës dhe efektet e tij, sidomos sa u takon simboleve të dyshimta”.
Në një intervistë të dhënë ditën e hënë, presidenti Emmanuel Macron u shpreh në favor të testimit të uniformave, duke thënë se një pakicë në Francë po merr peng fenë dhe po sfidon Republikën dhe laicizmin.
/euronews
