Franca në alarm, stuhia Nils shkakton përmbytje historike !

Autoritetet franceze kanë shpallur alarm të kuq për përmbytje në Gironde, Lot-et-Garonne dhe Maine-et-Loire, pasi stuhia Nils ka shkaktuar dalje të lumit Garonne nga shtrati, përmbytje banesash dhe izolim fshatrash.

Météo France njoftoi se alarmi i kuq mbetet në fuqi të mërkurën, ndërsa disa departamente kalojnë nga portokalli në më pak. Ministrja Monique Barbut tha se pas përfundimit të përmbytjeve do të shpallet gjendje emergjence për të përshpejtuar procedurat e sigurimeve.

Vigicrues paralajmëroi se tokat janë në ngopje rekord dhe edhe reshje të vogla mund të nxisin përmbytje, me nivele uji që po rriten sërish në Garonne dhe rrezik për përmbytje të mëdha në Maine (Angers) dhe Loire.

Ndërkohë, BE-ja u bëri thirrje vendeve të përgatiten për një botë deri 3°C më të ngrohtë, dhe Franca po planifikon adaptim për skenarë edhe më të nxehtë.

/shenja