Forumi i Grave i VLEN-it prezanton Rezolutën e Grave, vërehet mungesa e anëtareve të LD-së nga Kërçova

Në kuadër të aktiviteteve për Kongresin e koalicionit VLEN, i cili do të mbahet më 9 maj dhe ku pritet formalizimi i shndërrimit të koalicionit në një parti të përbashkët politike,
Forumi i Grave i VLEN-it ka organizuar prezantimin e Rezolutës së Grave.

Gjatë këtyre aktiviteteve është vërejtur mungesa e anëtareve të Lëvizjes Demokratike nga Kërçova, pjesë e strukturës së udhëhequr nga Izet Mexhiti. Sipas informatave jozyrtare, një pjesë e tyre thuhet se janë afruar ose kanë kaluar te krahu politik i ministrit Fatmir Limani, duke nxitur diskutime për rreshtimet e reja politike në prag të Kongresit.

Këto zhvillime kanë shtuar interesimin për mënyrën se si do të pozicionohen përfundimisht strukturat lokale në Kërçovë pas 9 majit dhe kush do të jetë pjesë e secilit formacion politik.

/tvgurra