Fluturimet misterioze mes Tel Avivit dhe Beogradit ngrenë dyshime për transport armësh
Fluturime të përsëritura të avionëve të transportit të kompanisë izraelite “Challenge Airlines IL” midis Tel Avivit dhe Beogradit gjatë shkurtit dhe marsit 2026 kanë ngritur dyshime për transport të mundshëm armësh. Një avion i tillë fluturoi më 5 mars në itinerarin Tel Aviv–Beograd–Tel Aviv, por autoritetet serbe dhe kompania nuk kanë dhënë shpjegime për ngarkesën.
Sipas analizës së Radio Evropa e Lirë, të paktën nëntë fluturime të kësaj kompanie janë regjistruar mes Serbisë dhe Izraelit gjatë kësaj periudhe, disa prej tyre pas përshkallëzimit të konfliktit në Lindjen e Mesme më 28 shkurt, kur SHBA-ja dhe Izraeli sulmuan Iranin.
Megjithëse Serbia kishte pezulluar eksportin e armëve në qershor 2025 me urdhër të presidentit Aleksandar Vuçiq, punonjës në fabrika shtetërore të armëve thonë se eksportet kanë rifilluar në shkurt 2026. Autoritetet nuk kanë konfirmuar zyrtarisht se çfarë armësh eksportohen dhe kujt.
Ekspertët theksojnë se edhe gjatë “moratoriumit” ka pasur shenja se eksportet kanë vazhduar, ndërsa të dhënat zyrtare tregojnë se Serbia eksportoi armë dhe municione me vlerë rreth 50 milionë dollarë në vitin 2025, megjithëse shifrat e plota nuk publikohen.
/arberesh
