“Fjalimi që s’u harrua kurrë: Donika Gërvalla kundër Millosheviçit në ekranet gjermane” (VIDEO)

Në vitin 2000, vetëm pak muaj pas përfundimit të luftës në Kosovë dhe rënies së regjimit të Slobodan Millosheviçit, Donika Gërvalla u shfaq në njërin prej debateve më të ndjekura televizive në Gjermani – emisionin politik “Sabine Christiansen” në ARD. Në atë panel, ku ishin të pranishëm politikanë dhe figura ushtarake si gjenerali Klaus Reinhardt, Gërvalla ngriti zërin e shqiptarëve përballë opinionit publik evropian.

Në një nga momentet më të forta të fjalimit të saj, ajo tha:
“Që nga lufta e Bosnjës e deri sot, ne kemi thënë se vendi i Millosheviçit është në Hagë. Ai nuk ka vend në qeveri. Kosova nuk do të pranojë më nënshtrim. Ne duam drejtësi dhe liri.”

Gërvalla akuzoi Millosheviçin për ndezjen e katër luftërave në Ballkan dhe theksoi se krimet e tij kundër shqiptarëve të Kosovës nuk mund të mbeteshin të pandëshkuara. Në krahasimet e saj, ajo solli figurën e Václav Havel-it si shembull i një udhëheqësi moral, duke e vendosur Ibrahim Rugovën në të njëjtin nivel për popullin e Kosovës.

Ky moment televiziv, i ruajtur sot në video në platforma si YouTube dhe rrjetet sociale, mbetet një dëshmi e qartë se si zëri i një shqiptareje, në gjuhën gjermane, arriti të shkundte debatin evropian mbi drejtësinë ndërkombëtare dhe përgjegjësinë për krimet e luftës.

VIDEO:

/(INA)