FC Uskana Olten, krenaria e kërçovarëve në Zvicër

Në Olten të Zvicrës, emri Uskana sjell një copë Kërçove në fushën e futbollit. FC Uskana Olten përfaqëson pasionin për sportin dhe frymën e bashkimit që na lidh me vendlindjen, edhe kur jetojmë larg saj.

I themeluar më 13 maj 2017, klubi është anëtar i Federatës së Futbollit të Solothurnit (SOFV) që nga 1 korriku 2018. FC Uskana Olten garon në Ligën e 5-të, ndërsa ndeshjet si vendas i zhvillon në kompleksin sportiv Kleinholz, Sportstrasse, 4600 Olten.

Për kërçovarët në Zvicër, ky emër ka një domethënie të veçantë: kujton rrënjët, vendlindjen dhe krenarinë për identitetin tonë. Futbolli bëhet kështu një mundësi për t’u takuar, për të përkrahur njëri-tjetrin dhe për të ndarë emocionet e lojës.

Le ta mbështesim FC Uskana Olten dhe ta përcjellim me zemër në çdo ndeshje! Forca Uskana! Kërçova në zemër, krenaria në fushë! https://fcuskanaolten.ch/

/kercova.net