Fatmir Limani vizitoi shkollën Sande Shterjoski në Kërçovë
Fatmir Limani vizitoi shkollën fillore ku ka marrë mësimet e para, SH.F. Sande Shterjoski, në kuadër të Ditës Ndërkombëtare të Ndërgjegjësimit për Autizmin dhe muajit të ndërgjegjësimit.
Ai u prit nga drejtori Bekim Jusufi, ndërsa nxënësit kishin përgatitur një program të veçantë me mbështetjen e arsimtarëve, duke përcjellë mesazhin se autizmi nuk është sëmundje, por spektër dhe mënyrë unike e të perceptuarit të botës.
Limani theksoi se përgjegjësia e përbashkët është ndërtimi i një shoqërie që kupton, pranon dhe mbështet çdo individ pa dallim.
Ai bëri thirrje për tejkalimin e paragjykimeve dhe krijimin e hapësirave ku secili ndihet i sigurt dhe i vlerësuar, duke nënvizuar se çdo fëmijë meriton dashuri, mbështetje dhe vend të barabartë në shoqëri.
/tvgurra
