Fatmir Limani shpall zyrtarisht kandidaturën për kryetar komune

E dashura Rini,
E respektuara mërgatë,
Të nderuar qytetarë të Kërçovës,
Me përulësi dhe ndjenjë të thellë përgjegjësie, shpall kandidaturën time si kandidat i mundshëm për Komunën e Kërçovës, jo dhe në asnjë periudhë të jetës për interesa personale, por për të rikthyer besimin dhe shpresën e qytetarëve në një udhëheqje të ndershme dhe të përgjegjshme.

Kërçova ka nevojë për ndryshim të vërtetë, e ky ndryshim mund të vijë vetëm përmes një programi zgjedhor të qartë, i cili garanton:
• Siguri për qytetarët dhe pronën publike;
• Mirëqenie për familjet punëtore dhe të ndershme;
• Dinjitet për të gjithë, pa dallim bindjesh politike;

• Mundësi të barabarta për çdo qytetar që meriton.., asnjëherë dhe në asnjë mënyrë për ata që servilizmin e përdorin për të mbajtur pushtetin me çdo kusht.

Unë premtoj veprim me përkushtim të plotë në shërbim të interesit të përgjithshëm, përmes punës së ndershme, transparencës dhe përgjegjësisë ndaj çdo qytetari.
Dua që të gjithë së bashku të ndërtojmë një Kërçovë që nuk braktiset, por që rritet me dije, me punë dhe me shpirt.

Këtë herë:
• Gjyqtari në shërbim të të drejtit;
• Polici në shërbim të sigurisë;
• Politikani në shërbim të popullit !
Të rikthejmë shpresën e vrarë te rinia,
sepse në këtë vend EKZISTON mundësia
për një jetë të sigurt dhe të dinjitetshme.
Me nderime,
Fatmir Beqir Limani

/ms