Fatmir Limani: Punësimi i të rinjve – projekti ynë madhor

Sot u takova dhe i njoha personalisht të rinjtë e punësuar së fundi në kohë të pacaktuar, në Ministrinë e Politikës Sociale, Demografisë dhe Rinisë. 🤝
I përgëzoj për punësimin dhe u uroj shumë sukses, përkushtim dhe zhvillim profesional në rrugëtimin e tyre. Besoj se me energjinë, njohuritë dhe entuziazmin që sjellin, do të jenë një vlerë e shtuar në avancimin e politikave dhe shërbimeve tona.

👥 Kapitali njerëzor mbetet resursi më i çmuar i çdo institucioni. Janë pikërisht njerëzit që sjellin ndryshimin, krijojnë zgjidhje dhe ndërtojnë besimin e qytetarëve.
Në këtë drejtim, një nga projektet tona madhore mbetet sigurimi i vendeve të punës për të rinjtë, me qëllim që ata të ndërtojnë të ardhmen e tyre këtu, në vendin tonë.

Sepse kur të rinjtë kanë mundësi reale për punësim dhe zhvillim, ata zgjedhin të qëndrojnë, të kontribuojnë dhe të ndërtojnë jetën e tyre pranë familjes dhe komunitetit.

Duke investuar te njerëzit, ne investojmë në të ardhmen. Angazhimi ynë është i qartë, të krijojmë një mjedis ku çdo i ri dhe çdo punonjës do të ketë mundësi të rritet, të kontribuojë dhe të ndihet i vlerësuar.
🤝 Mirë se vini në ekip – së bashku do të punojmë për një shoqëri më të fortë, më të drejtë dhe më gjithëpërfshirëse.

/ms