Fatmir Limani pritet të jetë nënkryetar i ASH-së së Taravarit

Pas muajsh përplasjesh dhe pakënaqësish brenda koalicionit VLEN, ish-nënkryetari i Lëvizja Besa, Fatmir Limani, ka vendosur t’i bashkohet Arben Taravari dhe Aleanca për Shqiptarët.

Sipas informacioneve, Limani nuk do të jetë thjesht një anëtar i ri i partisë, por do të marrë menjëherë postin e nënkryetarit të ASH-së, ndërsa është caktuar edhe bartës i listës në Zonën Zgjedhore nr. 5.

Ky pozicionim i rëndësishëm politik pritet të hapë debat edhe brenda vetë Aleancës për Shqiptarët. Mbetet të shihet se si do ta presin strukturat dhe aktivistët e partisë faktin që një figurë e ardhur nga jashtë partisë jo vetëm po merr një post drejtues, por edhe një nga pozicionet më të rëndësishme zgjedhore.

Lëvizja e Limanit konsiderohet një zhvillim me peshë në skenën politike shqiptare, por njëkohësisht ngre pikëpyetje nëse ky vendim do të pritet me entuziazëm apo do të shkaktojë pakënaqësi te një pjesë e anëtarësisë së vjetër të ASH-së.

/in7tv