Fatmir Limani: Nuk shkova në Budapest sepse kisha punë në Veles, në Qeveri punojmë si ekip
Ministri i Politikës Sociale, Demografisë dhe Rinisë, Fatmir Limani tregon se në Budapest nuk ka shkuar me kryeministrin Mickoski për shkak se ka pasur punë në Veles. Limani tutje thekson se në Qeveri punojnë si ekip.
“Në seancën ndërqeveritare në Budapest nuk shkova, sepse paraprakisht kisha caktuar një ngjarje në Veles, ku mori pjesë edhe presidentja e vendit, Gordana Siljanovska-Davkova.
Në samit marrin pjesë ministrat të cilët kishin planifikuar takime dypalëshe dhe nënshkruan marrëveshje dhe memorandume dypalëshe. Me kryeministrin duhej të shkonte ministrja e Financave dhe ministri i Punëve të Jashtme, por sigurisht që mund të shkojnë edhe ministra të tjerë.
Nuk ka mosmarrëveshje në Qeveri, nuk bëhet fjalë për bojkot, ne jemi duke punuar si ekip”, deklaroi ministri i Politikës Sociale, Demografisë dhe Rinisë, Fatmir Limani për slobodenpecat.
/ts
