Fatmir Limani: Nuk jam individ, nesër mund të jem 15 deputetë ! (VIDEO)

Ministri i Punës Sociale, Demografisë dhe Rinisë, Fatmir Limani, ka marrë pjesë në Kuvendin Qendror të Lëvizjes Besa, ku në deklaratën e tij ka kërkuar maturi dhe unitet brenda partisë. Ai theksoi se nuk duhet të prishen strukturat e VLEN-it, duke bërë thirrje për ruajtjen e stabilitetit politik dhe organizativ.

Limani u shpreh se nuk duhet parë si individ, duke paralajmëruar se në të ardhmen mund të ketë mbështetje edhe më të madhe politike. “Mos më shihni si individ, sepse nesër mund të jem me 15 deputetë”, deklaroi ai.

Deklarata e tij vjen në kohën e zhvillimeve dhe tensioneve të fundit brenda Lëvizjes Besa, ndërsa priten vendime të rëndësishme për rrugëtimin e mëtejshëm të partisë.

VIDEO:

/tv21