Fatmir Limani: Mërgata me dinjitet

Të pathyeshëm në shpirt,
Të pakorruptuar në ndërgjegje,
Të pamanipuluar nga mashtrimet e pushtetit,
Të pamvarur si era e lirisë që fryn nga Kërçova në mërgim. Ne jemi ata që nuk shiten, nuk blihen, e as nuk përkulen. Të moralshëm, të fjalës e të besës, rrënjë të forta në tokën e ndershmërisë !

Sonte, në këtë tavolinë të thjeshtë por të shenjtë, më bashkon një pjesë e mërgatës me zemra të pastra, me mendje të kthjellëta e me vullnet të hekurt. Ata që besuan në “rrugën e nisur”, në rrugën që s’ka kthim pas, në rrugën e ndryshimit të mirëfilltë.
Kushdo qoftë çmimi që duhet paguar,
e vërteta s’ka çmim, ajo është një dhe e pandryshueshme, e do luftohet me çdo mjet të drejtësisë, me çdo zë të ndërgjegjes, me çdo frymë që ende beson te ndershmëria politike.

Ne nuk luftojmë për karrige, por për dinjitetin e shqiptarit, për të vërtetën që nuk zbehet, për nderin që nuk blihet, për të ardhmen që nuk korruptohet.
Përkrahje e padiskutueshme për qëndrimet që s’u drodhën asnjëherë: që nga nata e shpalljes së rezultateve, deri në këtë mbrëmje të besnikërisë dhe qëndrueshmërisë.
Mirënjohje, për të gjithë ekipin e sidomos bashkatdhetarëve që na hapën konakun nga ditët e para të rrugëtimit politik e deri në këtë natë të shenjtë dhe vendimtare, për të ardhmen e kërçovarëve me dinjitet.
Vazhdojmë më fuqishëm, më të vendosur, më të pathyeshëm se kurrë më parë !
Kriens (LU)
F. B. L. Shkruan ministri Fatmir Limani në Facebook.

FOTO:

/ms