Fatmir Limani: Hajdutët te çadrat luksoze gjoja në mbrojtje të gjuhës..

PËRJASHTO
Popullin e sinqertë dhe bujarë, të cilin e kanë shfrytëzuar dhe keqpërdorur në periudhë të ndryshme, për të siguruar e mbrojtur pasurimin e jashtëligjshëm, si megafon të djegur zhurmojnë hajdutët te çadrat luksoze gjoja në mbrojtje të gjuhës që s’dijnë ta shqiptojnë si duhet.

Mes turmës më bien në sy, krijesa që para, gjatë dhe pas luftës u shërbyen pushteteve si kolaboracionist kundër lëvizjeve ilegale, të cilat përgatisnin kryengritjen gjithëshqiptare, për çlirim nga zgjedha diktatoriale dhe mohuesit e gjuhës, kulturës dhe historisë shqiptare.

Më e shëmtuara në këtë situatë është se kapedani i dikurshëm rrethohet nga sejmenët, hyzmeqarët, tagrambledhësit dhe bejlerët e kohërave të ndryshme, të cilët pashpirtshëm dhe pakursyer thithën djersën dhe gjakun e popullit të shumëvuajtur.

Është e udhës që çadrat t’i ngriti në Basel, Zürich, Bern, Bon, Berlin, Frankfurt, Paris, Romë, New York… dhe të bëni evidencë sa të rinjë bredhin bulevardeve të botës.
Dëbuat djemtë dhe vashat më të vyera të kombit dhe paturpësisht shpikni tema, të cilat janë përgjegjësi e veprimeve dhe vendimeve të sjellura nga ju.

Gjuha, Flamuri, Doket, Zakonet, Kultura dhe Historia është në mbrojtje të të dëshmuarve të kombit.
*Ps: Populli duhet të analizojë më të thjeshtën, duke pyetur sa nga udhëheqësit e ditës sot, kanë humbur familjarë (rrethi i ngushtë, nënë, baba, vëlla, djalë, vajzë…) në luftën e fundit.
LAVDI, GJAKUT TË DERDHUR TË DËSHMORËVE, I CILI MBRON GJUHËN DHE FLAMURIN KOMBËTARË !
F. B. L. Shkruan ministri Fatmir Limani në facebok.

/ms