Fatmir Dehari me urim për fillimin e vitit të ri Shkollor

Të dashur nxënës, të respektuar mësimdhënës
Pas pushimit tremujor, përsëri erdhi koha të takoheni me shokët, shoqet, dhe arsimtarët.

Në të gjitha shkollat fillore dhe të mesme të Kërçovës mësimi do të fillojë në kohën e caktuar. Istitucionet shkollore më 1 shtator, do t’i hapin dyertë për të pritur nxënësit, arsimtarët dhe punonjësit tjerë në arsim.

Komuna e Kërçovës bashkë me institucionet tjera relevante, do të jetë gjithmonë afër subjekteve shkollore për t’a udhëhequr sa më mirë procesin edukativo – arsimor dhe në bashkëpunimin me drejtorët e shkollave, do të përpiqemi të krijojmë kushte më të mira për zhvillim të mësimit të rregulltë.

Kësaj dite më tepër i gëzohen filloristët të cilët për herë të parë do të ulen në bankat shkollore për të mësuar shkronjat, shkrimin dhe leximin. Urime për nxënësit dhe prindërit e këtyre fëmijëve të cilët më 1 shtator do t’i përcjellin më të dashurit e tyre në mësim.

Çerdhja e qytetit me kapacitete të shtuara, do të vazhdojë me punën e rregulltë duke u kujdesur për vogëlueshit të qëndrojnë dhe edukohen në kushte bashkëkohore.

Urime viti i ri shkollor 2022/2023!
Shëndet e suksese!

Komuna e Kërçovës,
Kryetar,
Fatmir Dehari

/ms