Fatmir Dehari me mesazh pas fitores..

Të dashur bashkëvendas të mi, e dashura mërgatë uskanase. Kjo fitore para se gjithash ju dedikohet Juve, sepse është përkushtimi Juaj që po na e dhuroni këtë kënaqësi.

Përzemërsisht gjer në përulje ju falënderohem dhe zotohem i robëruar në mirësinë Tuaj se moralisht e kam borxh të vazhdoj realizimin e projekteve për një qytet më të bukur që do t’ju krenojë pafundësisht.

Falënderoj edhe komunitetin turk, rom, vlleh, po edhe maqedon që i besojnë dashurisë sonë për këtë qytet për ta bërë të bukur në çdo cep të vetin pa dallim e pa ndasi, sepse është i përbashkët, ndaj dhe duhet bashkërishtë të jemi të denjë për të bartur përgjegjësi.

Asgjë më tepër nuk do doja përveç lutjes së të Madhit Zot që të gjithë Ju motra e vllezër të ardhur nga Evropa e Amerika të ktheheni shëndoshë e mirë në vendet e punës e ta ndani gëzimin e fitores së Uskanës me të gjithë të tjerët në Zvicë, Itali, Austri, Francë, Suedi, Amerikë e kudo prej kah na keni ardhur.

Faleminderit të gjithëve! Paçi shëndet dhe urime këtë fitore të radhës!
Shkruan Fatmir Dehari në facebook transmeton kercova.net

/ms