“Fantazma e Prishtinës” është e gjeneruar me AI ! Ja kush e thotë?

Këshilli i Mediave të Shkruara të Kosovës (KMShK) ka reaguar ndaj raportimeve të fundit në disa media dhe rrjete sociale lidhur me të ashtuquajturën “fantazmë”.
Lajmin e ka bërë të ditur KMShK-ja përmes një komunikate për media.

“Raportimi në disa media për një ‘fantazmë’ që ‘shëtitet’ nëpër rrugët e Kosovës është i pasaktë, pasi që bëhet fjalë për një përmbajtje të gjeneruar nëpërmjet Inteligjencës Artificiale”, thuhet në reagimin e KMShK-së.

Këshilli bën të ditur se ka pranuar shqetësime të shumta nga qytetarët, të cilët kanë shprehur frikë dhe konfuzion pas publikimit të këtyre materialeve.
“Mediat duhet të kenë kujdes që përmbajtjet e ngjashme t’i verifkojnë dhe të mos i shpërndajnë, sepse mund të shkaktojnë panik”.

Rrjetet sociale janë pushtuar nga pamjet e këtij personazhi, i cili shpërndahet nga përdorues me emrin “Fantazma e Prishtinës”. Personazhi virtual shfaqet me një maskë të bardhë në fytyrë dhe me këmbë dhie, duke krijuar një imazh shqetësues për publikun. Këto përmbajtje kanë nxitur reagime të shumta në rrjet, por gjithashtu kanë shkaktuar frikë dhe panik te një pjesë e qytetarëve.

/ina