Familjet e prekura nga vërshimet në Kërçovë mbeten në kushte të vështira

Situata për familjet e prekura nga vërshimet në Kërçovë vazhdon të jetë alarmante. Sipas banorëve, vetëm Kryqi i Kuq i Maqedonisë së Veriut u ka ardhur në ndihmë me mbështetje fillestare.

Një pjesë e familjeve ende qëndrojnë në sallën sportive Hristo Uzunov, në kushte të papërshtatshme higjienike dhe me mungesë të infrastrukturës bazë. Edhe pse disa janë rikthyer në shtëpitë e tyre, shumë të tjerë nuk kanë ku të kthehen, pasi banesat janë shkatërruar plotësisht.

Banorët kërkojnë ndihmë urgjente, mjete higjienike, ushqim dhe një plan konkret për strehim të përkohshëm, pasi qëndrimi i zgjatur në këto kushte rrezikon seriozisht shëndetin dhe dinjitetin e tyre.

/votra.info