Faliminderim per hapjen e Konakut Kërçovar nga Shkodran Alili

Të dashur bashkëqytetarë, vëllezër e motra kërçovare,
Me zemër plot gëzim dhe krenari, ju drejtohem sot për të ndarë me ju emocionet e hapjes së Konakut Kërçovar, një vatër ku arti, kultura dhe tradita jonë do të gjejnë strehën e merituar.

Për artistët tanë që e kanë ngritur gjithnjë lart emrin e Kërçovës, dje u krijua një tempull ku do të mblidhen zemrat dhe shpirtrat e atyre që me këngën, vallen, penën dhe tingullin e tyre kanë mbajtur gjallë frymën shqiptare ndër breza.

Dje, me ndihmën tuaj dhe me mbështetjen e madhe që treguat, ne e bëmë realitet një ëndërr.
Nga zemra faleminderoj çdo artist, çdo krijues dhe çdo kërçovar që iu përgjigj ftesës sonë, që e nderoi këtë ngjarje me pjesëmarrjen dhe shpirtin e tij.

Ky është vetëm fillimi!
Konaku Kërçovar do të jetë vendi ku do të mblidhemi gjithmonë për të mbrojtur e ruajtur trashëgiminë tonë kombëtare, për të kujtuar të parët tanë dhe për t’ua përcjellë brezave të ardhshëm dashurinë për atdheun, gjuhën dhe kulturën tonë të lashtë.
Rroftë Kërçova! Rroftë arti dhe kultura shqiptare! Rroftë kombi shqiptar!

/tvgurra