Faleminderit nga zemra Zajaz ! Shkruan Ramazan Dini

Në emër të kandidatit për kryetar komune z. Fatmir Limani dhe në emrin tim personal Ramazan Dini, kandidat për këshilltar komunal, ju falënderoj nga zemra për besimin dhe votën që na dhatë në këtë cikël zgjedhor.
Faleminderit Zajaz Teqe për 238 vota
Faleminderit Zajaz Xhuma për 109 vota
Faleminderit Zajaz Çelikaj për 83 vota

Në total 430 vota – 430 zemra që treguan dhe dëshmuan edhe njëherë se e ardhmja i takon të rinjve, se ndryshimi vjen nga përkushtimi, bashkimi dhe guximi për të ecur përpara.
Ndjehem thellësisht krenar për mbështetjen që më keni dhënë që nga dita e parë e këtij rrugëtimi.
Ndjehem krenar që nuk më latë vetëm as në momentet më të vështira, duke përballuar me dinjitet çdo presion e çdo sfidë.
Po, për 37+ vota nuk arrita të fitoj mandatin e këshilltarit komunal, por kjo nuk më zbraps, nuk më ndal përkundrazi më motivon!

Qëllimi im nuk janë pozitat, as përfitimet personale.
Si me mandat, si pa mandat ju betohem se do jem zë i pashtershëm për çdo gjë për ju.
Qëllimi im është shërbimi ndaj njerëzve të Qytetit tonë, ndaj Zajazit që e dua me shpirt dhe ndaj brezit të ri që meriton më shumë.

📞 Numri im personal: +389 70949840
Unë do të jem gjithmonë në shërbimin tuaj 24/7, për çdo nevojë, sugjerim, kritikë apo bashkëpunim, pa dallime partiake, pa paragjykime, me gjithë zemër!
Një kapitull u mbyll…
por kapitulli i rinisë, i bashkimit dhe i shpresës sapo ka filluar!
Rruga jonë vazhdon më e fortë se kurrë, sepse ky vend ka nevojë për ne, për energjinë, dashurinë dhe idealet tona.

Një falënderim i veçantë për ministrin Fatmir Limani, që besoi tek unë dhe që na përkrahu në çdo hap parezerv, ku ndryshe unë e thirr Njëriu i Rinis dhe i Popullit.
Krenar që isha dhe jam krah tij, një njëri që frymëzon, punon dhe qëndron pranë njerëzve me zemër e dinjitet.
Faleminderit gjithashtu ekipit të këshilltarëve, ekipit të shtabit për punën, përkushtimin dhe sakrificën.
Jam me fat që pata pranë njerëz të ndershëm, të vendosur dhe me shpirt e zemër për punë!

Së bashku dëshmuam se fushata e ndershme, pa fyerje, pa sulme dhe me dinjitet është rruga e duhur për ta ndryshuar mentalitetin politik.
Ne nuk u ndalëm dhe nuk do të ndalemi.
Sepse besimi që na dhatë është përgjegjësi, jo privilegj.
Dhe ne do ta mbajmë këtë përgjegjësi me nder, çdo ditë, në çdo hap.
Ne në këto zgjedhje ndoshta me numra humbëm, por fituam shumë gjëra në periudhën afatgjatë….

E PËRMBYLLË:
Ne vazhdojmë të jemi në qeveri,
qeveria nuk bie, sepse VLEN-i fitoi në mbi 11 komuna.
Kjo është forcë e popullit, besim i qytetarëve, dhe fitore e drejtësisë politike.
Por, ta them qartë:
Ky pushtet nuk do të përdoret për hakmarrje,
por vetëm për shërbim ndaj qytetarëve, për punë, mirëqenie dhe barazi.
Ne nuk jemi këtu për t’u hakmarrë ndaj askujt, por për të hapur dyer, për të bashkuar njerëzit dhe për të sjellë dinjitet në politikë.

Nuk ka bir nëne që të ngrihet dikush e të prekë në bukën e gojës së dikujt.., mua më keni garancion.
Të gjithë do të trajtohen me respekt dhe drejtësi.
Prandaj rrini të qetë, krenarë dhe të bashkuar sepse në fund të ditës duhet ta mendojm se kemi një Gjak!

Zoti është me të drejtët, populli është me ne,
dhe Fatmir Limani bashkë me ne si ekip, është një mbështetës i paepur i njerëzve të zakonshëm,i njerëzve që duan të ecin përpara me punë, djers, e dinjitet.
Rruga jonë është e pastër.
Qëllimi ynë është i drejtë.
Dhe e ardhmja është e jona!
Me shumë respekt, mirënjohje dhe dashuri,
I juaji Ramazan Dini
Ju faleminderit ❤️

/ms