Evropa po shkon drejt luftës! Ja kush e thotë?

Kryeministri i Hungarisë paralajmëroi se viti 2025 mund të jetë viti i fundit i paqes për Evropën, duke theksuar se kontinenti po i afrohet luftës. Ai deklaroi se në samitin e fundit të BE-së në Bruksel u arrit vetëm të ngadalësohej, por jo të ndalej, ky proces. Sipas tij, Evropa është e ndarë në dy kampe: atë të luftës dhe atë të paqes, ku aktualisht dominojnë forcat pro-luftës, ndërsa Hungaria mbetet në anën e paqes.

Orbán vlerësoi se përfshirja e Evropës në luftën në Ukrainë nuk ishte e pashmangshme dhe kritikoi ashpër vendimmarrjen e BE-së, duke e cilësuar Unionin në një proces shpërbërjeje. Ai përmendi tranzicionin e gjelbër dhe politikën e migracionit si shembuj dështimi që kanë dëmtuar rëndë industrinë evropiane.

Ai paralajmëroi se pa reforma të thella, BE-ja do të arrijë në një pikë pa kthim, dhe përsëriti kundërshtimin e Hungarisë ndaj anëtarësimit të Ukrainës në BE, duke argumentuar se kjo po e dobëson Evropën ekonomikisht dhe politikisht. Në fund, ai u bëri thirrje hungarezëve për vetërespekt dhe vetëdije si rruga e vetme drejt paqes.

/ts