“Është koha e rinisë”, Shkodran Alili kërkon mbështetjen e BDI-së dhe VLEN-it për Kërçovën

Në çdo cikël të zgjedhjeve lokale Kërçova është komuna në të cilën gara gjithnjë është e nxehtë. Zyrtarisht kandidaturën për kryetar e ka shpallur Shkodran Alili si kandidat i pavarur. Ai në Daily Click tha se Kërçova ka nevojë për ndryshim dhe se do të kërkojë përkrahjen edhe nga partitë BDI dhe VLEN.

“Unë apelojë edhe prej te TV juaj që të bëj thirrje që të na votojnë të dyja partitë politike. Po e bëni thirrjen publikisht, por a do të kërkoni që të takoheni me ata edhe sy më sy për ndonjë marrëveshje. Është a pakuptim nëse nuk e kërkojmë atë punë. Është e domosdoshme që ne të kërkojmë mbështetjen e të dyve taborëve politike që kemi në qytetin e Kërçovës”, tha Shkodran Alili – Kandidat për Kërçovën.

I pyetur se çka nëse edhe kryetari aktual Fatmir Dehari do të kandidohet, Alili tha se ka ardhur koha të hapet krahu për rininë.
“Besoj se është e frytshme edhe për atë që të bëjë një rotacion politik, të hapi krahun e rinisë, të motivojë rininë, ta mbështesë rininë. Është koha si rinia që e ka mbështetur atë në çdo cikël zgjedhor, në çdo ëndërr të tij ose vendim të tij, rinia e ka përkrahur pa asnjë kusht, është momenti që tani t’i jepet hapësira rinisë që të tregojmë edhe ne se sa dimë dhe sa mund të ndërtojmë”, shtoi Shkodran Alili – Kandidat për Kërçovën.

Edhe nga VLEN kanë paralajmëruar se do të kenë kandidatin e tyre, ndërsa Bilall Kasami kandidaturën e Shkodran Alilit e vlerësoi si të afërt me BDI-së. Alili e mohoi këtë akuzë duke rikujtuar edhe njëherë se është kandidat i pavarur. Ndryshe edhe VMRO DPMNE pritet që shumë shpejt të prezantojnë kandidatin e tyre për kryetar.

VIDEO:

/tv21