Epstein vendos copë të kisvas së Qabes në dysheme si tepih ?

Një fotografi e publikuar në serinë më të fundit të dosjeve të Departamentit të Drejtësisë së SHBA-së tregon pedofilin e dënuar Jeffrey Epstein duke vendosur në dysheme një copë të mbulesës së Qabes (kisva), të mbuluar me mbishkrime të shenjta, gjatë një takimi me miliarderin nga Emiratet e Bashkuara Arabe, Sultan Ahmed bin Sulayem.

Sipas dokumenteve, imazhi ishte bashkëngjitur në një email të vitit 2014 me një përshkrim të konsideruar të papërshtatshëm. Ndërkohë, emaile të tjera të vitit 2017 përshkruajnë dërgimin e tri copave të lidhura me kisvan nga Meka drejt Shteteve të Bashkuara. Transferimi thuhet se u organizua përmes kontakteve të lidhura me Emiratet dhe iu dorëzua Epsteinit nga biznesmenia emirate Aziza al Ahmadi.

Kisva është mbulesa e zezë me qëndisje ari që rrethon Qaben, vendin më të shenjtë të Islamit në Arabinë Saudite — çka e bën fotografinë dhe transferimin e këtyre copave veçanërisht të ndjeshme nga pikëpamja fetare dhe diplomatike.

/tetova1