“Emroja Backwaren GmbH” i bashkohet rrjetit të bizneseve të diasporës shqiptare në Zvicër

Të rinjtë shqiptarë në Zvicër po shfaqin gjithnjë e më shumë guxim dhe aftësi në botën e sipërmarrjes. Një shembull i shkëlqyer është djaloshi nga Kërçova, Emro Emroja, i cili me kompaninë e tij “Emroja Backwaren GmbH” është bërë pjesë e rrjetit të bizneseve të diasporës shqiptare në Zvicër.

Me një vizion të qartë dhe përkushtim të palëkundur, Emroja sjell në tregun zviceran produkte të pjekura të freskëta dhe me cilësi të lartë. Në një postim në rrjetet sociale, ai ka njoftuar hapjen e pikës së re në qytetin Wetzikon, duke shkruar:
“👑 Mbreti ka zbritur – përshëndetje Wetzikon! 🥨
I sapo pjekur, plot zemër dhe tani në mes të qytetit tuaj: mbreti ynë i ri i pretzel u hap sot në Wetzikon! 🎉
👉 Ku duhet të hapet mbreti tjetër?”

Ky hap i rëndësishëm vjen në kuadër të bashkëpunimit me markën e njohur zvicerane Brezelkönig, e cila njihet për simitet e saj të freskëta, të përgatitura gjatë gjithë ditës me përbërës natyralë dhe pa aditivë.

Suksesi i Emro Emrojas është një dëshmi e përkushtimit dhe talentit të të rinjve shqiptarë në diasporë, të cilët po kontribuojnë në mënyrë të dukshme në zhvillimin ekonomik dhe përfaqësimin dinjitoz të komunitetit tonë.
Djaloshit nga Kërçova i urojmë shumë suksese në rrugën e tij sipërmarrëse!

/tvgurra