Elon Musk: Pse duhet Amerika të paguajë për sigurinë evropiane..?

Nuk është e qartë pse populli amerikan duhet të paguajë për sigurinë evropiane, tha sipërmarrësi Elon Musk, i cili drejton Departamentin e Efikasitetit të Qeverisë së SHBA-së (DOGE).

“Prisni, pse taksapaguesit amerikanë mbulojnë 2/3 e kostove të mbrojtjes së Evropës? Kjo nuk ka kuptim. Mbrojtja nga kush?” ka shkruar ai në platformën e rrjeteve sociale X.

Presidenti amerikan Donald Trump ka kritikuar vazhdimisht aktivitetet e NATO-s. Edhe para zgjedhjes së tij, Trump kërcënoi se do të tërhiqte Shtetet e Bashkuara nga Aleanca e Atlantikut të Veriut nëse aleatët evropianë nuk merrnin përgjegjësi më të madhe financiare për sigurinë e tyre.

Sekretari amerikan i Mbrojtjes Pete Hegseth paralajmëroi në takimin e 12 shkurtit të një grupi perëndimor që koordinon furnizimet me armë në Ukrainë se Evropa duhet të sigurojë sigurinë e saj më vete.

/ts