Ekonomia zvicerane përmirësohet pavarësisht tarifave të Trump
Situata e biznesit u përmirësua ndjeshëm në tetor, sipas treguesit të trendit të biznesit të llogaritur nga Qendra për Kërkime Ekonomike (KOF) e ETH Zurich.
Ky tregues ka arritur përsëri nivelin e korrikut, pra nivelin para rritjes së tarifave të SHBA-së mbi importet zvicerane, tregoi KOF në një shënim sot, shkruan Swissinfo.ch, transmeton albinfo.ch.
Parashikimet e biznesit për gjashtë muajt e ardhshëm janë bërë gjithashtu përsëri më optimiste. “Në përgjithësi, pritjet nuk kanë qenë kurrë kaq pozitive që nga fillimi i vitit. Ekonomia zvicerane po rifiton vrullin”, tha KOF. Rimëkëmbja është veçanërisht e dukshme në sektorin industrial.
/albinfo
